Amdanom Ni
Sefydlwyd Rhaglen STEM DVLA yn 2014 i gyflawni uchelgais syml: ysbrydoli pobl ifanc a'u helpu i ddarganfod y cyfleoedd sydd ar gael trwy gyfrwng gwyddoniaeth, technoleg, peirianneg a mathemateg (STEM).
Yn ysbrydoli doniau’r dyfodol ers 2014
Cychwynnodd y rhaglen fel blaengaredd bychan dan arweiniad gwirfoddolwyr ac mae wedi ehangu i fod yn rhaglen genedlaethol sy'n cynorthwyo ysgolion, myfyrwyr a chymunedau ledled Cymru trwy allgymorth, cystadlaethau, blaengareddau cynhwysiant digidol a gweithio trwy bartneriaeth.
Heddiw, mae'r rhaglen yn parhau i ddatblygu, gan helpu pobl ifanc i feithrin sgiliau, hyder a dyheadau a chynorthwyo i gyflawni uchelgeisiau ehangach yn ymwneud â gwerth cymdeithasol, cynhwysiant digidol a datblygu doniau’r dyfodol.
Ein Pwrpas
Credwn fod pob unigolyn ifanc yn haeddu'r cyfle i archwilio technoleg, datblygu sgiliau digidol a chanfod y posibiliadau o ran gyrfa sydd ar gael iddynt. Mae ein gwaith yn canolbwyntio ar:
Ysbrydoli
Cyflwyno pynciau STEM drwy weithgareddau cyffrous, cystadlaethau ac ymgysylltu.
Cynorthwyo
Cynnig adnoddau, canllawiau a mynediad at dechnoleg sy'n helpu i gael gwared ar rwystrau sy’n atal cyfranogi.
Datblygu
Helpu dysgwyr i feithrin y wybodaeth, y sgiliau a'r hyder sy’n ofynnol i sicrhau llwyddiant yn y dyfodol.
Cysylltu
Mae’n dod ag ysgolion, diwydiant, sefydliadau a gwirfoddolwyr ynghyd i greu effaith barhaol.
Y bobl sy'n gwireddu’r rhaglen
Mae llwyddiant y rhaglen yn bosibl diolch i rwydwaith o wirfoddolwyr brwdfrydig, Llysgenhadon STEM a phartneriaid.
Gyda'i gilydd, maent yn cynnig cymorth ymarferol, ysbrydoliaeth a dirnadaethau yn deillio o’r byd go iawn sy'n helpu i sicrhau bod STEM yn hygyrch ac yn ddiddorol i bobl ifanc.
Mae ein pobl yn cynnwys:
- Gweithwyr proffesiynol yn y maes digidol
- Prentisiaid
- Graddedigion
- Arbenigwyr technegol
- Gwirfoddolwyr o bob cwr o DVLA
Pam mae STEM yn bwysig
Mae technoleg yn trawsnewid ein ffordd o fyw, gweithio a chyfathrebu. Bydd y sgiliau y mae pobl ifanc yn eu datblygu heddiw yn helpu i lunio gweithlu'r dyfodol.
Drwy helpu pobl ifanc i ymgysylltu â phynciau STEM yn gynnar, rydym yn buddsoddi yn noniau, cymunedau ac economi Cymru’r dyfodol.
Drwy weithgareddau STEM, rydym yn helpu i:
- Feithrin hyder a chwilfrydedd
- Datblygu sgiliau datrys problemau
- Annog creadigrwydd
- Ehangu ymwybyddiaeth o yrfaoedd yn y dyfodol
- Cefnogi dysgu gydol oes
Gwaddol cynyddol i'r rhanbarth
Mae Rhaglen STEM DVLA wedi dod yn rhan bwysig o ymrwymiad DVLA i gynorthwyo cymunedau, hyrwyddo cynhwysiant digidol ac ysbrydoli cenedlaethau'r dyfodol.
Drwy arloesi di-baid, gweithio trwy bartneriaethau ac ymrwymiad gwirfoddolwyr, byddwn yn parhau i ehangu cyfleoedd a helpu pobl ifanc i wireddu eu potensial.
Newyddion
