Cynllun Cynhwysiant Digidol
Beth yw cynhwysiant digidol?
Mae cynhwysiant digidol yn ymwneud â sicrhau bod pawb yn cael cyfle i gyrchu technoleg ac elwa ohoni.
Yn anffodus, nid yw dyfeisiau, cysylltedd, sgiliau na hyder ar gael yn gyfartal i bawb.
Mae Cynllun Cynhwysiant Digidol DVLA yn helpu i fynd i'r afael â'r heriau hyn drwy gynorthwyo sefydliadau a chymunedau drwy ailddefnyddio technoleg, gweithio trwy bartneriaeth ac ymgysylltu â chymunedau.
Cefnogi Siarter ‘Reuse for Good’ Llywodraeth y DU
Mae Cynllun Cynhwysiant Digidol DVLA yn cynorthwyo i adnewyddu ac ailddefnyddio technoleg y gellir ei hailddosbarthu i sefydliadau a chymunedau ledled Cymru.
Gan gydweithio â'n partneriaid, rydym yn helpu i sicrhau y bydd dyfeisiau'n dal i sicrhau effaith gadarnhaol ymhell ar ôl i’w defnydd gwreiddiol ddod i ben.
Ers llofnodi Siarter ‘Reuse for Good; Llywodraeth y DU, rydym wedi rhoddi 477 o ddyfeisiau. (Mawrth 2026)
Cynorthwyo’r genhedlaeth nesaf
Ysgolion
Cynnig mynediad at ddyfeisiau sy'n helpu myfyrwyr i ddysgu a datblygu sgiliau digidol.
Cymunedau
Helpu sefydliadau i gysylltu pobl â thechnoleg a chyfleoedd.
Cynaliadwyedd
Lleihau gwastraff ac ymestyn oes asedau technoleg gwerthfawr.
Doniau’r dyfodol
Creu cyfleoedd i ddysgwyr ymgysylltu â thechnoleg a datblygu sgiliau digidol.
Cynhwysiant digidol ar waith
"Rwyf wrth fy modd mai Cyngor Abertawe yw'r awdurdod lleol cyntaf i ddechrau cydweithio â DVLA ar y cynllun Cynhwysiant Digidol fel rhan o'n hymrwymiad i sicrhau y caiff ein holl ysgolion a disgyblion fynediad at ddyfeisiau digidol gartref ac yn yr ysgol."
Mae rhai disgyblion eisoes yn defnyddio'r offer a bydd llawer mwy yn elwa, felly dymunaf ddiolch i DVLA am ein cynnwys ni yn y blaengaredd cymunedol gwych hwn."
– Robert Stewart, Arweinydd Cyngor Abertawe
"Yn ogystal â mynd i’r afael â'r angen hanfodol hwn, bydd y cyfraniad hael hwn hefyd yn cryfhau ein cydweithredu â'r DVLA. Mae hyn yn gam cadarnhaol ymlaen a thestun cyffro i ni yw cael dathlu mwy o gyflawniadau a chyfleoedd i gydweithio â DVLA a chreu partneriaeth gryfach er budd y bobl ifanc amrywiol yn ein cymunedau."
– Ali Abdi, Lead Co-ordinator at National Minority Ethnic Youth Forum
Cymryd rhan
Mae'r cynllun hwn yn galluogi DVLA i roi rhywbeth yn ôl i'r gymuned a chynnig offer pwysig i sicrhau y gall plant ac oedolion ifanc ledled Cymru ddatblygu sgiliau digidol at y dyfodol.
Os dymunwch gymryd rhan yn y cynllun, anfonwch e-bost i itsvc@dvla.gov.uk neu llenwch ein ffurflen ar-lein sydd ar gael isod.
Newyddion Cynhwysiant Digidol
